උතුරේ සියලු ම පළාත් පාසල් හෙට වැසේ

උතුරේ සියලු ම පළාත් පාසල් හෙට වැසේ

උතුරේ සියලු ම පළාත් පාසල් හෙට වැසේ

කර්තෘ Staff writer

04 Mar, 2019 | 7:04 am

 

මහා ශිවරාත්‍රී දිනය වෙනුවෙන්, හෙට උතුරේ සියලු ම පළාත් පාසල් වසා තැබෙන බව‍ උතුරු පළාත් ආණ්ඩුකාර කාර්යාලය පවසයි.

උතුරු පළාත් ආණ්ඩුකාර සුරේන් රාඝවන් මහතා සහ උතුරු පළාත් අධ්‍යාපන ලේකම් ඇතුළු නිලධාරීන් සමග පැවති සාකච්ඡාවකදී මෙම තීරණයට එළැඹි බව එම කාර්යාලය සඳහන් කළේ ය.

මේ අතර හෙට දින උතුරේ උපකාරක පංති පැවැත්වීමෙන් වළකින්නැයි, සියලු ම ගුරුවරුන්ගෙන් උතුරු ආණ්ඩුකාර සුරේන් රාඝවන් මහතා ඉල්ලීමක් කර තිබේ.

දෙමළ ජනතාවගේ වසරේ ප්‍රධානම සැමරුමක් වන මහා ශිවරාත්‍රී දිනය සැමරීමෙන් පසු දිනයේදී ද ශිව රාත්‍රිය සැමරෙන බැවින් හෙට දිනය නිවාඩු දිනයක් ලෙසට නම් කර ඇති අතර ඒ වෙනුවෙන් සතියේ වෙනත් නිවාඩු දිනයක පාසැල් පැවැත්වීමට පියවර ගෙන ඇතැයි, උතුරු පළාත් ආණ්ඩුකාර කාර්යාලය පවසයි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]