COLOMBO (News 1st) – අමාත්‍ය ලක්ෂ්මන් කිරිඇල්ල මහතාට එරෙහිව ඉදිරිපත් වූ පැමිණිල්ලක් විමර්ශන සඳහා යොමු කිරීමට පසුගිය වසර 4 තුළ රාජ්‍ය ආයතනවල වංචා හා දූෂණ විමර්ශනයට පත් කළ ජනාධිපති කොමිසම තීරණය කර තිබේ.

එම කොමිසම සඳහන් කළේ, ඊට අදාළ මූලික කටයුතු සම්පාදනය සඳහා පැමිණිල්ල ඇතුළත් ලිපි ගොනුව පොලිස් ඒකකය වෙත යොමු කළ බව ය.

ලංකා වැවිලි කරුවන්ගේ සංගමය විසින් අදාළ පැමිණිල්ල යොමු කර තිබේ.

එහි දැක්වෙන්නේ, ලක්ෂ්මන් කිරිඇල්ල මහතා රජයේ අණ පනත් උල්ලංඝණය කරමින් තම බිරිඳට, දියණියට හා ඥාතීන්ට ජනතා වතු සංවර්ධන මණ්ඩලයට අයත් හන්තාන ප්‍රදේශයෙන් අක්කර 50, 20 හා 10 බැගින් වූ බිම් කොටස් ලබා දී ඇති බව ය.

මීට අමතරව රාජ්‍ය ඖෂධ නීතීගත සංස්ථාව විසින් පිළිකා නාශක ඖෂධ ගෙන්වීමේදී සිදු කළ බව කියන රුපියල් බිලියන ගණනක වංචාවක් සම්බන්ධයෙන් පැමිණිල්ලක් ද විමර්ශන සඳහා යොමු කළ බව ජනාධිපති කොමිසම සඳහන් කළේ ය.

ශ්‍රී ලංකා සුළු හා මධ්‍ය පරිමාණ ව්‍යවසායකයින්ගේ සංගමය විසින් මෙම පැමිණිල්ල යොමු කර තිබිණි.

ඒ අනුව විමර්ශන සඳහා මේ වන විට කොමිසම තෝරාගෙන ඇති පැමිණිලි සංඛ්‍යාව 07කි.

ලබන 07 වන දා දක්වා පැමිණිලි භාර ගන්නා බව පසුගිය වසර 4 තුළ රාජ්‍ය ආයතනවල වංචා හා දූෂණ විමර්ශනයට පත් කළ ජනාධිපති කොමිසම පවසයි.

මේ වන විට කොමිසමට ලැබී ඇති පැමිණිලි සංඛ්‍යාව 295කි.

• අධිවේගී මාර්ගයේ ජාඇල සිට කටුනායක දක්වා කොටස තාවකාලිකව වසා දමයි
• ප්‍රගීත් එක්නැලිගොඩ නඩුවේ සාක්ෂි විභාගයට දින නියම වෙයි
• ව්‍යාජ ජාතික හැඳුනුම්පත් සකස් කළ පුද්ගලයින් දෙදෙනෙකු අත්අඩංගුවට
• පාර්ලිමේන්තුවට ගෙන ඒමට සැලසුම් කළ අතුරු සම්මත ගිණුම ඉල්ලා අස්කර ගනී
• දුම්රිය දෙපාර්තමේන්තුවේ සියලු අනියම් සේවකයින් ස්ථිර කිරීමට කැබිනට් අනුමැතිය
• සයින්දමරුදු නගර සභාවක් ලෙස ප්‍රකාශයට පත් කළ ගැසට් නිවේදනය අත්හිටුවයි
• ශ්‍රී ලංකාව UNHRC 30/01 යෝජනාවෙන් ඉවත්වීමට කැබිනට් අනුමැතිය
• ජර්මනියේ තැබැරුම් දෙකක වෙඩි තැබීමකින් 8 දෙනෙකු මරුට
• ගල්ගමුවේදී විදුලි සැර වැදීමෙන් ඇතින්නක් මරුට
• අතුරු සම්මත ගිණුමේ සංශෝධන ගැන විවාදය අද පාර්ලිමේන්තුවේදී