දැරියකට අතවර කළ බවට චෝදනා එල්ල වූ මන්ත්‍රීට ඇප

COLOMBO (News 1st) : දකුණු පළාත් සභා මන්ත්‍රී ක්‍රිෂාන්ත පුෂ්පකුමාර මහතා ඇප මත මුදා හැරීමට ගාල්ල මහේස්ත්‍රාත් අධිකරණය අද නියෝග කළේ ය. ඒ සැකකාර මන්ත්‍රීවරයා ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා හමුවට ඉදිරිපත් කිරීමෙන් අනතුරුවයි. මහේස්ත්‍රාත්වරයා එහිදී නියෝග කළේ, සැකකරු රුපියල් 25000ක මුදල් ඇපයක් සහ රුපියල් ලක්ෂ 5 බැගින් වූ ශරීර ඇප දෙකක් මත මුදා හැරීමටයි. සෑම මසකම අවසන් ඉරුදින උදෑසන 9ත් 12 ත් අතර කාලයේ අක්මීමන පොලීසිය හමුවේ පෙනී සිටින ලෙස ද මහේස්ත්‍රාත්වරයා නියෝග කළේ ය. නඩුව ලබන අප්‍රේල් මස 30 වනදා කැඳවීමට නියමිතයි. 16 හැවිරිදි දැරියකට ලිංගික අතවර කළ බවට මන්ත්‍රීවරයාට චෝදනා එල්ල වී තිබූ අතර පසුව ඔහු නීතිඥවරයෙකු මාර්ගයෙන් පැමිණ පොලීසියට භාරවීමෙන් අනතුරුව අත්අඩංගුවට ගැනිණ.