දකුණු පළාත් සභා මන්ත්‍රී ක්‍රිෂාන්ත පුෂ්පකුමාර අත්අඩංගුවට

COLOMBO (News 1st) - දකුණු පළාත් සභා මන්ත්‍රී ක්‍රිෂාන්ත පුෂ්පකුමාර මහතා අද පෙරවරුවේ පොලිස් අත්අඩංගුවට පත් විය. ඒ, නීතිඥවරයෙකු සමග පැමිණ අධිකරණයට භාර වීමෙන් අනතුරුව ය. 14 හැවිරිදි දැරියකට ලිංගික අතවර කළ බවට අක්මීමන පොලීසියට ලැබුණු පැමිණිල්ලකට අනුව මන්ත්‍රීවරයා අත්අඩංගුවට ගෙන තිබේ. ඔහු ගාල්ල මහේස්ත්‍රාත් අධිකරණයට ඉදිරිපත් කරන බව පොලීසිය සඳහන් කළේ ය.