COLOMBO (News 1st) – මහ බැංකු බැඳුම්කර වංචාව සම්බන්ධයෙන් සිදු කිරීමට නියමිත වෝහාරික විගණන පරීක්ෂණය සඳහා ජාත්‍යන්තර විගණකයින් පත් කිරීම ඉදිරි සති කිහිපය ඇතුළත සිදු කිරීමට අපේක්ෂා කරන බව මහ බැංකුව පවසයි.

මහ බැංකුව සඳහන් කළේ, ඒ සම්බන්ධයෙන් කටයුතු කිරීමට පත් කළ කැබිනට් ටෙන්ඩර් කමිටුවේ කටයුතු මේ වන විට අවසන් අදියරේ පවතින බව ය.

මේ සඳහා විගණන කටයුතු කිරීම සඳහා ජාත්‍යන්තර විගණන සංගම් රැසක් ඉදිරිපත්ව තිබේ.

ඉන් මුල් අදියරේ තෝරා ගත් ආයතන අතුරින් අවසන් තෝරා ගැනීම මේ වන විට සිදු වෙමින් ඇතැයි ද මහ බැංකුව ප්‍රකාශ කළේ ය.

මහ බැංකු බැඳුම්කර වංචාව සම්බන්ධයෙන් විගණන 6ක් සඳහා මෙලෙස ජාත්‍යන්තර විගණකයින් පත් කිරීමට නියමිත ය.

බැඳුම්කර වංචාව සම්බන්ධයෙන් සොයා බැලීමට 2017 වසරේ ජනවාරි 27 වන දා ජනාධිපති මෛත්‍රීපාල සිරිසේන මහතා විසින් ජනාධිපති කොමිසමක් පත් කරනු ලැබී ය.

එම කොමිසම ලබා දුන් වාර්තාවේ ප්‍රධාන නිර්දේශ අතර පර්පෙචුවල් ට්‍රෙෂරීස් සමාගම සිදු කළ සියලු ගනුදෙනු පිළිබඳව වෝහාරික විගණනයක් පැවැත්විය යුතුය යන්න සඳහන් ය.

• උදයංග වීරතුංග පෞද්ගලික ඇපයක් මත මුදාහැරීමට අධිකරණයෙන් නියෝග
• කොරෝනා ආසාදිතයින් හඳුනා ගැනීමේ පරීක්ෂණ පුළුල් කෙරේ
• පොලිස් අණ නොතකා වෙඩි කෑ සැකකරුවන් මත්ද්‍රව්‍ය ජාවාරමට සම්බන්ධයි – පොලීසිය
• නිරෝධායනය වූ තවත් 288ක් නිවෙස් බලා පිටත්ව යති
• කොරෝනා පාලනයට රජයේ වෛද්‍ය නිලධාරීන්ගෙන් 8 වැදෑරුම් වැඩපිළිවෙළක්
• තවත් කොරෝනා රෝගියෙකු සුවය ලබයි
• කොවිඩ් 19 මර්දනයට ලෝක බැංකුවෙන් සහන ණයක්
• ඇඳිරි නීතිය කඩ කළ 1,264ක් අත්අඩංගුවට
• විශ්‍රාම වැටුප් ලබා ගැනීමට අදත් අවස්ථාව
• අණ නොතැකූ මෝටර් රථයකට පොලීසියෙන් වෙඩි