මීගමුවේදී හෙරොයින් තොගයක් සමග මත්ද්‍රව්‍ය ජාවාරම්කරුවෙකු අත්අඩංගුවට

COLOMBO (News 1st) - මීගමුව පෝරතොට ප්‍රදේශයේදී හෙරොයින් කිලෝග්‍රෑම් 04කට අධික ප්‍රමාණයක් සමග මත්ද්‍රව්‍ය ජාවාරම්කරුවෙකු අත්අඩංගුවට ගෙන තිබේ. ඒ, මීගමුව කොට්ඨාස දූෂණ මර්දන ඒකකය එම ප්‍රදේශයේ කළ වැටලීමකදී ය. සැකකරු සන්තකයේ තිබී ඈෂ් නමැති මත්ද්‍රව්‍ය කිලෝග්‍රෑම් 03යි ග්‍රැම් 655ක් ද සොයා ගෙන තිබේ. පොලීසිය භාරයට ගත් මත්ද්‍රව්‍යවල වටිනාකම රුපියල් කෝටි 10කට අධික ය. 29 හැවිරිදි සැකකරු පෝරතොට ප්‍රදේශයේ පදිංචිකරුවෙකි. ඔහු මීගමුව මහේස්ත්‍රාත් අධිකරණයට ඉදිරිපත් කිරීමට නියමිත ය.