මිතුරන් අතර වූ බහින්බස්වීම මරණයකින් කෙළවරයි

COLOMBO (News 1st) : පිටිගල - තල්ගස්පේ, මානානහේන ප්‍රදේශයේදී තියුණු ආයුධවලින් පහරදී තරුණයෙකු ඝාතනය කර තිබේ. පොලීසිය සඳහන් කළේ, ඊයේ රාත්‍රියේ මිතුරන් පිරිසක් සමග ඇතිවූ බහින් බස්වීමක් දුරදිගයාමෙන් පහරදීම සිදුව ඇති බවයි. මියගොස් ඇත්තේ 23 හැවිරිදි තරුණයෙකි. පහරදීම සිදුවන අවස්ථාවේ එම ස්ථානයේ පුද්ගලයින් 6 දෙනෙකු සිට ඇති බව සඳහන් ය. පොලීසිය සඳහන් කළේ, ඔවුන් සියලුදෙනා බීමතින් සිට ඇති බවයි. ප්‍රදේශයෙන් පලා ගොස් ඇති සැකකරුවන් අත්අඩංගුවට ගැනීමට පරීක්ෂණ ක්‍රියාත්මක වේ.