නීතිඥ සංගමයේ සභාපති පුටුව ජනාධිපති නීතිඥ කාලිංග ඉන්දතිස්සට

COLOMBO (News 1st) - ශ්‍රී ලංකා නීතිඥ සංගමයට නව නිලධාරී මණ්ඩලයක් පත් කර ගැනීමේ නිලවරණයෙන් ජනාධිපති නීතිඥ කාලිංග ඉන්දතිස්ස මහතා එහි නව සභාපතිවරයා ලෙස පත් විය. ලේකම් ධූරයට පත් වූයේ, නීතිඥ කෞෂල්‍ය නවරත්න මහතායි. ශ්‍රී ලංකා නීතිඥ සංගමයේ 25 වන නිලවරණය මෙයයි. දිවයිනේ සෑම අධිකරණයක්ම නියෝජනය කරමින් අද පෙරවරු 8.00ට පමණ ඇරඹි ඡන්ද විමසීම පස්වරු 5.00ට පමණ අවසන් විය. මෙවර ඡන්දය භාවිත කිරීම සඳහා සුදුසුකම් ලබා ඇති නීතිඥයින් පිරිස 15806කි. ජනාධිපති නීතිඥ කාලිංග ඉන්දතිස්ස සහ නීතිඥ මහින්ද ලොකුගේ යන මහත්වරුන් මෙවර ශ්‍රී ලංකා නීතිඥ සංගමයේ සභාපති ධූරයට තරග වැදුණි. ඉන් සභාපතිවරයා ලෙස පත් වූයේ, ජනාධිපති නීතිඥ කාලිංග ඉන්දතිස්ස මහතායි. ලේකම් ධූරය සඳහා තරග වැදි නීතිඥ කෞෂල්‍ය නවරත්න සහ නීතිඥ සමන් වැලිඅංග යන මහත්වරුන් අතරින් එම තනතුරට තේරී පත් වූයේ, කෞෂල්‍ය නවරත්න මහතායි.