මත්ද්‍රව්‍ය භාවිත කරන මැති ඇමතීන් ගැන ලිඛිතව දැනුම් දෙන්න - කථානායක රන්ජන් රාමනායකට දැනුම් දෙයි

COLOMBO (News 1st) - මත්ද්‍රව්‍ය භාවිත කරන මැති ඇමතිවරුන් පාර්ලිමේන්තුවේ සිටී නම් ඒ ගැන ලිඛිතව දැනුම් දෙන ලෙස කථානායක කරු ජයසූරිය මහතා රාජ්‍ය අමාත්‍ය රන්ජන් රාමනායක මහතාට දැනුම් දී තිබේ. පාර්ලිමේන්තුවේ ජ්‍යෙෂ්ඨ ප්‍රකාශකයෙකු සඳහන් කළේ, රන්ජන් රාමනායක මහතා මේ බව කථානායකවරයාට ඊයේ දුරකතනයෙන් දැනුම් දී ඇති නමුත් එය දුරකතනයෙන් නොව ලිඛිතව ලබා දෙන්නැයි කථානායකවරයා දැනුම් දී ඇති බව ය. එවැනි ලිඛිත පැමිණිල්ලක් ලැබුණහොත් පක්‍ෂ නායකයින් සමග සාකච්ඡා කර ඉදිරි පියවර ගැනීමට කථානායකවරයා සූදානම් බව ද පාර්ලිමේන්තුවේ ජ්‍යෙෂ්ඨ ප්‍රකාශකයා සඳහන් කළේ ය.