කටුගස්තොට මංසන්ධියේ වූ ත්‍රිරෝද රථ අනතුරින් දෙදරු පියෙක් මරුට… (CCTV)
කටුගස්තොට මංසන්ධියේ වූ ත්‍රිරෝද රථ අනතුරින් දෙදරු පියෙක් මරුට… (CCTV)
කර්තෘ Staff writer
COLOMBO (News 1st) – අද පෙරවරුවේ කටුගස්තොට මංසන්ධියේ සිදු වූ රිය අනතුරකින් ත්‍රිරෝද රථ රියැදුරෙකු මිය ගොස් තිබේ.
කටුගස්තොට සිට මහනුවර දෙසට ධාවනය වූ මෙම ත්‍රිරෝද රථය ප්‍රතිවිරුද්ධ දිසාවෙන් පැමිණි ජීප් රථයක ගැටුණේ කටුගස්තොට මංසන්ධියේදීයි.
පසුව ත්‍රිරෝද රථයේ රියැදුරු අසළ ඇති පදික වේදිකාවේ බිම හිඳගත්තේ ය.
CCTV දර්ශනවල සටහන්ව ඇති වේලාවට අනුව තුවාලකරු රෝහලට රැගෙන යෑම සඳහා විනාඩි 10 කට අධික කාලයක් ගතවී තිබේ.
ටික වේලාවකට පසු තුවාලකරු අනතුරට සම්බන්ධ ජීප් රථයෙන්ම මහනුවර මහ රෝහල වෙත රැගෙන යන ආකාරය ද දක්නට ලැබුණි
කටුගස්තොට ප්‍රාදේශීය රෝහල අනතුර සිදු වූ ස්ථානයේ සිට මීටර් 500 ක් පමණ ඈතින් පිහිටා ඇතත් තුවාල ලැබු පුද්ගලයා රැගෙන ගොස් ඇත්තේ මහනුවර මහ රෝහලට බව හෙළිවිය.
මහනුවර රෝහල් අධ්‍යක්ෂ වෛද්‍ය සමන් රත්නායක මහතා පැවසුවේ, රෝහලට රැගෙන එන විටත් එම පුද්ගලයා මියගොස් සිටි බවයි.
ගෙලෙහි සිදු වූ කැපුම් තුවාලයක් හේතුවෙන් මරණය සිදුවන්නට ඇතැයි පශ්චාත් මරණ පරීක්ෂණයේදී හෙළිව තිබේ.
අනතුරකට ලක් වූ පුද්ගලයෙකු කිසියම් ස්ථානයක වැටී සිටින්නේ නම් වහාම රෝහලකට රැගෙන යාම සඳහා සියල්ලන් පියවරගත යුතු බව සෞඛ්‍ය අංශ පෙන්වා දෙයි.
අනතුරින් මිය ගියේ ගොහාගොඩ ප්‍රදේශයේ පදිංචිව සිටි රංජිත් සම්පත් නමැති 42 හැවිරිදි දෙදරු පියෙකි.
අනතුරට සම්බන්ධ ජීප් රථය මේ වනවිට කටුගස්තොට පොලීසියට රැගෙනවිත් ඇති අතර එහි රියැදුරු ද සැකපිට අත්අඩංගුවට ගෙන තිබේ.
පොලීසිය පැවසුවේ, ඔහු ලබන 26 වැනි දා දක්වා රක්ෂිත බන්ධනාගාරගත කළ බවයි.
මියගිය ත්‍රිරෝද රථ රියැදුරාගේ දේහය අද පස්වරුවේ ඔහුගේ ඥාතීන්ට භාරදී ඇතැයි අප වාර්තාකරු සඳහන් කළේ ය.
- කුරුණෑගලදී ත්‍රීරෝද රථයක් පෙරළී 6කට තුවාල
- කසළ තේ කිලෝ 2230 ක් සමග පුද්ගලයෙකු අත්අඩංගුවට
- ලෝක කුසලානයේදී පකිස්ථානය පළමු වරට ඉන්දියාව පරදවයි ද? තීරණය අද…
- විශ්‍රාමිකයින්ගේ වැටුප් විෂමතා ලබන මස සිට ඉවතට
- අයිස් මත්ද්‍රව්‍ය පැකට්ටුවක් ගිල දැමූ සිරකරුවෙකු මරුට
- ටජිකිස්ථාන සංචාරය නිම කරමින් ජනපති යළි දිවයිනට
- අමෙරිකානු භාණ්ඩ 28 කට ඉන්දියාවෙන් තීරු බදු
- ලෝක කුසලාන ක්‍රිකට් තරගාවලියේ ශ්‍රී ලංකාවට එරෙහි තරගයෙන් ඔස්ට්‍රේලියාවට ජය
- ජනපති, රුසියානු ජනපති හමුවෙයි
- නැගෙනහිර සහ ඌව පළාත්වලට අද පස්වරුවේ වැසි
