ජාත්‍යන්තර මූල්‍ය අරමුදලේ නියෝජිතයින් හා අමාත්‍ය මංගල සමරවීර අතර සාකච්ඡාවක් අද

COLOMBO (News 1st) - දිවයිනට පැමිණි ජාත්‍යන්තර මූල්‍ය අරමුදලේ නියෝජිතයින් සහ මුදල් හා ජනමාධ්‍ය අමාත්‍ය මංගල සමරවීර මහතා අතර සාකච්ඡාවක් අද පැවැත්වේ. ශ්‍රී ලංකා මහ බැංකුවේ උසස් නිලධාරියෙකු සඳහන් කළේ, එහිදී මෙරට ආර්ථික තත්ත්වය සම්බන්ධයෙන් ජාත්‍යන්තර මූල්‍ය අරමුදලේ නියෝජිතයින් දැනුවත් කෙරෙනු ඇති බව ය. සති 2ක සංචාරයක් සඳහා පසුගිය බ්‍රහස්පතින්දා ජාත්‍යන්තර මූල්‍ය අරමුදලේ නියෝජිතයින් පිරිසක් දිවයිනට පැමිණියහ. එම නියෝජිත කණ්ඩායමේ ප්‍රධානත්වය දරන්නේ මැනුවෙලා ගොරෙට්ටි මහත්මියයි.