කන්ටේනරයක් පෙරළී වැලිකඩ අවට රථවාහන තදබදයක්

COLOMBO (News 1st) : වැලිකඩ බන්ධනාගාරය ඉදිරිපිට මාර්ගය හරහා කන්ටේනර් රථයක් පෙරළීයාමෙන්, එම ප්‍රදේශයේ දැඩි රථවාහන තදබදයක් හටගෙන තිබේ. පොලීසිය සඳහන් කළේ, බොරැල්ල සිට ඔරුගොඩවත්ත දෙසට ධාවනය වූ කන්ටේනර් රථයක් එලෙස අනතුරට ලක්ව ඇති බවයි. ඒ හේතුවෙන් කොළඹින් පිටවීමේ මං තීරුව සම්පූර්ණයෙන් අවහිර වී ඇති බව වාර්තා වේ. මාර්ග තදබදය අවම කර ගැනීම සඳහා විකල්ප මාර්ග භාවිත කරන ලෙස පොලීසිය ජනතාවට දැනුම් දෙයි.