COLOMBO (News 1st) – මිනුවන්ගොඩ, නිල්පනාගොඩ ප්‍රදේශයේදී අනතුරකින් පසුව පුද්ගලයින් තිදෙනෙකුට පහරදුන් බව කියන සිද්ධියක් සම්බන්ධයෙන් පොලිස් නිලධාරියෙකු සැකපිට අත්අඩංගුවට ගෙන තිබේ.

ඊයේ රාත්‍රී 9.00 ට පමණ මිනුවන්ගොඩ, දූනගහපාර, නිල්පනාගොඩ ප්‍රදේශයේදී යතුරුපැදි දෙකක් ගැටී අනතුරක් සිදුවිය.

පසුව අනතුරට පත් යතුරුපැදියක ගමන් කළ අයෙකු පැමිණ ගිනි අවියක් පෙන්වමින් කලහකරී‍ ලෙස හැසිරුණු අයුරු CCTV කැමරාවක සටහන්වී තිබුණි.

ගිනි අවිය රැගත් පුද්ගලයා අවට සිටි කිහිප දෙනෙකුටම පහරදී පසුව අසළ පිහිටි වාහන සේවා ස්ථානකට ද කඩාවැදී එහි සිටි පුද්ගලයින්ට ද පහරදී තිබේ.

119 අංකයට ලැබුණු තොරතුරක් මත මිනුවන්ගොඩ පොලීසියේ නිලධාරීන් එම ස්ථානයට ළඟා වනවිටත් මෙම පුද්ගලයා එම ස්ථානයෙන් පිටව ගොස් තිබු අතර පසුව අසළ නිවසක සිටියදී සොයා ගැනුණි.

මෙලෙස කලහකාරි ලෙස හැසිරුණු පුද්ගලයා කටුනායක පොලීසියට අනුයුක්ත නිලධාරියෙකු බව පසුව අනාවරණයවී ඇත.

සැකකරු අත්අඩංගුවට ගැනුණ ද ගිනිඅවිය පොලීසිය භාරයට ගෙන නැතැයි පවසමින් ඊයේ රාත්‍රියේ පිරිසක් මිනුවන්ගොඩ පොලීසියට රැස්විය.

පොලිස් මාධ්‍ය ඒකකය පැවසුවේ, කටුනායක පොලීසියට අනුයුක්තව සේවය කරන මෙම නිලධාරියා අද මිනුවන්ගොඩ මහේස්ත්‍රාත් අධිකරණයට ඉදිරිපත් කිරීමෙන් පසුව රුපියල් ලක්ෂයක ශරීර ඇප මත මුදාහැර ඇති බවයි.

අප්‍රේල් 3 වන දා යළි අධිකරණයේ පෙනී සිටින ලෙස ද සැකකරුට නියෝග කර තිබේ.

පොලීසිය අපකීර්තියට පත් කරන්නේ මෙවැනි නිලධාරීන් නොවේ ද?

• ලෝක කුසලානය: රු. ලක්ෂ 60 ක් වියදම් කර ශ්‍රී ලංකා ක්‍රිකට් තේමා ගීතයක් එළිදක්වයි
• අප්‍රේල් 21 ප්‍රහාරයේ සැකකරුවන්ගේ බැංකු ගිණුම් 41 ක් තහනම් කෙරේ
• මැතිවරණ පරාජය හමුවේ රාහුල් ගාන්ධි පක්ෂ නායකත්වයෙන් ඉල්ලා අස්වීමට සැරසෙයි
• හදිසි නීතිය දීර්ඝ කිරීමේ යෝජනාව වැඩි ඡන්දයෙන් සම්මතයි
• විද්‍යා ඝාතනය: ස්විස් කුමාර්ට පළා යාමට අනුබල දුන් DIG ලලිත් ජයසිංහට නඩු
• පුහුණු තරගය අතරතුරදී අවිශ්ක ප්‍රනාන්දු අබාධයකට ලක්වෙයි
• රජරට විශ්වවිද්‍යාලයේ පීඨ 4 ක අධ්‍යන කටයුතු 27 වැනි දා ඇරඹේ
• සහරාන්ගේ ආධාරකරුවන් පස්දෙනෙකු හොරොව්පතානේදී අත්අඩංගුවට
• තෙරේසා මේ අගමැති ධූරයෙන් ඉවත් වන බවට නිවේදනය කරයි
• ක්‍රිකට් ලෝක කුසලාන නායකයින් එකට එකතු වූ සුවිශේෂි අවස්ථාව