තණමල්විලදී 'සුදු හකුරු සුමිත්' වෙඩි තබා ඝාතනය කෙරේ

COLOMBO (News 1st) : තණමල්විල ප්‍රදේශයේදී සිදුවූ වෙඩි තැබීමකින් පුද්ගලයෙකු මිය ගොස් තවත් අයෙකු තුවාල ලැබී ය. පොලීසිය පැවසුවේ, අද දහවල් 12.20 ට පමණ සිදුවූ වෙඩි තැබීමෙන් සුදු හකුරු සුමිත් හෙවත් වසන්ත නමැති 42 හැවිරිදි පුද්ගලයෙකු මියගොස් ඇති බවයි. සිද්ධියෙන් තුවාල ලැබූ 22 හැවිරිදි පුද්ගලයෙකු ප්‍රතිකාර සඳහා හම්බන්තොට රෝහලට ඇතුළත් කර ඇතැයි ද පොලීසිය පැවසී ය. යතුරුපැදි දෙකකින් පැමිණි පුද්ගලයින් 4 දෙනෙකු වෙඩි තැබීම සිදුකර පළාගොස් තිබේ. පොලීසිය පැවසුවේ, ඔවුන් අත්අඩංගුවට ගැනීමට මෙහෙයුම් ක්‍රියාත්මක බවයි. වෙඩි වැදීමෙන් මියගිය පුද්ගලයා මීට මාස 6 කට පමණ පෙර සිදුවූ මනුෂ්‍ය ඝාතනයක් සම්බන්ධයෙන් හඳුනා ගෙන සිටි ප්‍රධාන සැකකරුවෙකු බව ද පොලීසිය පැවසී ය.   https://www.youtube.com/watch?v=S_AsXRw9Z7k