දිවයින පුරා ක්‍රියාත්මක කළ පොලිස් විශේෂ මෙහෙයුමකින් 3876ක් අත්අඩංගුවට

COLOMBO (News 1st) - දිවයින පුරා ක්‍රියාත්මක කළ විශේෂ මෙහෙයුමකින් වරෙන්තුකරුවන් 950 දෙනෙකු ඇතුළු සැකකරුවන් 3876ක් අත්අඩංගුවට ගෙන තිබේ. පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සඳහන් කළේ, බීමත් රියැදුරන් 950 දෙනෙකු අත්අඩංගුවට ගත් බව ය. හෙරොයින් ඇතුළු විවිධ මත්ද්‍රව්‍ය සම්බන්ධයෙන් අත්අඩංගුවට ගෙන ඇති සංඛ්‍යාව 1033කි. නීති විරෝධී ගිනිඅවි ළඟ තබා ගෙන සිටි පුද්ගලයින් 5 දෙනෙකු ද අත්අඩංගුවට ගත් බව රුවන් ගුණසේකර මහතා සඳහන් කළේ ය.