රු. කෝටියකට අධික හෙරොයින් සමග සැකකරුවෙකු මොරටුවේදී අත්අඩංගුවට

COLOMBO (News 1st) - හෙරොයින් කිලෝග්‍රෑමයක් සමග සැකකරුවෙකු මොරටුව, රාවතාවත්ත ප්‍රදේශයේදී අත්අඩංගුවට ගෙන තිබේ. ඒ, පොලිස් විශේෂ කාර්ය බලකාය කළ මෙහෙයුමකිනි. එහි ජ්‍යෙෂ්ඨ නිලධාරියෙකු සඳහන් කළේ, අත්අඩංගුවට ගත් හෙරොයින් තොගයේ වටිනාකම රුපියල් කොටියකට අධික බව ය. අද පස්වරුවේ අත්අඩංගුවට ගත් සැකකරු වැඩිදුර විමර්ශන සඳහා පොලිස් මත්ද්‍රව්‍ය නාශක කාර්යංශයට භාර දී තිබේ.