ගෙවුණු දවස උණුසුම් කළ පුවත්…

ගෙවුණු දවස උණුසුම් කළ පුවත්…

ගෙවුණු දවස උණුසුම් කළ පුවත්…

කර්තෘ Staff writer

05 Feb, 2019 | 7:15 am

දේශීය පුවත්… 

1. මාලි රාජ්‍යයේදී බෝම්බ ප්‍රහාරයෙන් මිය ගිය හමුදා සාමාජිකයින් දෙදෙනාගේ දේහයන් දිවයිනට : මාලි රාජ්‍යයේ ඩුඑන්සා ප්‍රදේශයේදී බෝම්බ ප්‍රහාරයකින් මිය ගිය එක්සත් ජාතීන්ගේ සාම සාධක රාජකාරිවල නිරත වූ මෙරට හමුදා සාමාජිකයින් දෙදෙනාගේ දේහයන් අද පස්වරුවේ දිවයිනට රැගෙනවිත් තිබේ.

2. අතුරුදන් වූ සිසුවියගේ මළ සිරුර මාවුස්සාකැලේ ජලාශයෙන් හමුවෙයි : මස්කෙළිය, මාවුස්සාකැලේ ජලාශයේ පාවෙමින් තිබූ පැසල් සිසුවියකගේ මළ සිරුරක් සොයා ගෙන තිබේ.

3. 71 වැනි ජාතික දිනය මහත් අභිමානයෙන් සැමරේ : 71 වැනි ජාතික දින සැමරුම් උළෙල ඊයේ පෙරවරුවේ කොළඹ ගාලු මුවදොර පිටියේදී අභිමානවත්ව සමරනු ලැබී ය.

4. පුත්තලමේ අතුරුදන් දැරියගේ මව අත්අඩංගුවට : පුත්තලම කරුවලගස්වැව, සෙනුරි තිසාරා දැරියගේ ඝාතනය සම්බන්ධයෙන් සැකපිට ඇගේ මව අත්අඩංගුවට ගෙන තිබේ.

5. 71 වැනි ජාතික දිනය වෙනුවෙන් රැඳවියන් 545කට නිදහස : 71 වැනි ජාතික දිනය වෙනුවෙන් රැඳවියන් 545 දෙනෙකුට නිදහස ලබාදීමට පිවර ගෙන ඇතැයි බන්ධනාගාර දෙපාර්තමේන්තුව පවසයි.

විදෙස් පුවත්….

1. වෙනිසුවෙලාව ගොඩ ගැනීමේ විකල්පය යුදමය මැදිහත්වීමක් බව ජනපති ට්‍රම්ප් කියයි : වෙනිසුවෙලාවේ යුදමය මැදිහත්වීමක් සිදුකිරීම එරට මුහුණ පා ඇති අර්බුදකාරී තත්ත්වයෙන් මුදා ගැනීමේ එක් විකල්පයක් බව අමෙරිකානු ජනාධිපති ඩොනල්ඩ් ට්‍රම්ප් පවසයි.

ක්‍රීඩා පුවත්…

1. දෙවැනි ටෙස්ට් ජයත් ඔස්ට්‍රේලියාවට : ශ්‍රී ලංකාව සමග පැවැති ටෙස්ට් ක්‍රිකට් තරගාවලිය තරග 2ට 0ක් ලෙස සත්කාරක ඔස්ට්‍රේලියාව ජය ගත්තේ ය. ඒ දෙරට අතර දෙවැනි ටෙස්ට් තරගය ලකුණු 366කින් ජය ගනිමිනි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]