ජාතික ආණ්ඩුවක් බිහි කර ඇමති ධූර සංඛ්‍යාව වැඩි කර ගැනීම සඳහා යෝජනාවක් කථානායකට භාර දෙයි

COLOMBO (News 1st) - ජාතික ආණ්ඩුවක් බිහි කර අමාත්‍ය ධූර සංඛ්‍යාව වැඩි කර ගැනීම සඳහා පාර්ලිමේන්තුවේ අනුමැතිය ලබා ගැනීමට යෝජනාවක් කථානායකවරයා වෙත භාර දී තිබේ. නිව්ස්ෆස්ට් කළ විමසීමකදී සභානායක අමාත්‍ය ලක්ෂ්මන් කිරිඇල්ල මහතා පැවසුවේ, අද උදෑසන එම යෝජනාව කථානායකවරයා වෙත භාර දුන් බව ය. එවැනි යෝජනාවක් ලැබුණු බව කථානායක කාර්යාලය ද අප කළ විමසීමකදී තහවුරු කළේ ය.