හෙරොයින් ජාවාරම් කළ විත්තිකරුවෙකුට කොළඹ මහාධිකරණය මරණ දඬුවම නියම කරයි

Colombo (News 1st) - හෙරොයින් ග්‍රෑම් 24.89ක ප්‍රමාණයක් සන්තකයේ තබා ගැනීම සහ ජාවාරම් කිරීම යන අධි චෝදනා දෙකට වරදකරු කරනු ලැබූ විත්තිකරුවෙකුට කොළඹ මහාධිකරණය අද මරණ දඬුවම නියම කළේ ය. ඒ, මහාධිකරණ විනිසුරු ශෂි මහේන්ද්‍රන් මහතා නඩුවේ තීන්දුව ප්‍රකාශයට පත් කරමිනි. එම විත්තිකරු නඩු විභාගය අවසන් කර දේශන පවත්වන අවස්ථාවේදී අධිකරණය මගහැර ගිය පුද්ගලයෙකු බව අනාවරණය වීම නිසා ඔහු අත්අඩංගුවට ගැනීමට විවෘත වරෙන්තුවක් නිකුත් කිරීමට ද එහිදී නියෝග කළේ ය. විත්තිකරුගේ ඇපකරුවන්ගේ ඇප මුදල් රාජසන්තක නොකිරීම සම්බන්ධයෙන් හේතු දක්වන ලෙස ඇපකරුවන්ගේ නීතිඥවරුන්ට ද විනිසුරුවරයා නියෝග කළේ ය.