ළඟදීම Facebook, Instagram සහ WhatsApp සියල්ලටම එකවර පණිවුඩ යැවිය හැකි පහසුකමක්

(News 1st) - ඉන්ස්ටග්‍රෑම්, වට්ස්ඇප්, ‍‍ෆේස්බුක් භාවිතා කරන සියලු දෙනාට මුහුණ දීමට සිදු වූ පොදු ගැටලුවක් වූයේ මේ සේවාවන් අතරේ පොදුවේ පණිවුඩ යැවීමේ හැකියාවක් නොතිබීමයි. නමුත් දැන් ඊට විසඳුම් ලැබෙන ලකුණු පෙනෙන්නට තිබේ. මින් පෙර වට්ස්ඇප්, ඉන්ස්ටග්‍රෑම්, ෆේස්බුක් පණිවුඩයක් යැවිය හැකි වූයේ එම සමාජ ජාලය තුළ පමණි. නමුත් ඉදිරියේදී එම පණිවුඩයක් ඕනෑම සමාජ ජාලයකට යැවීමේ හැකියාව ලැබෙනු ඇතැයි ෆේස්බූක් නිර්මාතෘ මාක් සකර්බර්ග් නිව්යෝක් ටයිම්ස් පුවත් පතට ප්‍රකාශ කර තිබේ. ලබන වසර ආරම්භය වන විට මෙම සේවාව දියත් කිරීමට හැකි වනු ඇතැයි එම පුවත් පත වාර්තා කර තිබේ.