කොල්ලුපිටියේ හෙරොයින් ජාවාරම මෙහෙයවූ සැකකරුවන් රඳවා තබා ගෙන ප්‍රශ්න කිරීමට අධිකරණයෙන් අවසර

COLOMBO (News 1st) - රුපියල් කෝටි 100කට අධික වටිනාකමකින් යුත් හොරායින් සමග කොල්ලුපිටිය්දී අත්අඩංගුවට ගත් සැකකරුවන් 5 දෙනා ලබන 29 වන දා තෙක් රඳවා ප්‍රශ්න කිරීම සඳහා පොලිස් මත්ද්‍රව්‍ය නාශක කාර්යංශයට කොළඹ කොටුව මහේස්ත්‍රාත් අධිකරණය අද අවසර ලබා දුන්නේ ය. ඒ, සැකකරුවන් කොළඹ කොටුව වැඩ බලන මහේස්ත්‍රාත් ප්‍රියන්ත ලියනගේ මහතා හමුවට ඉදිරිපත් කිරීමෙන් අනතුරුව ය. පොලිස් විශේෂ කාර්ය බලකාය සහ මත්ද්‍රව්‍ය නාශක කාර්යංශය මගින් ඊයේ මෙම පිරිස අත්අඩංගුවට ගත්තේ ය. එහිදී සොයා ගත් හෙරොයින් ප්‍රමාණය කිලෝග්‍රෑම් 95කට ආසන්නයි. ඒ අතර අමෙරිකානු ජාතිකයින් දෙදෙනෙකු ඇතුළු විදේශිකයින් තිදෙනෙක් ද වෙති. විමර්ශන නිලධාරීන් අද අධිකරණයට දැනුම් දුන්නේ, මෙම සිද්ධිය සම්බන්ධයෙන් දීර්ඝ විමර්ශනයක් සිදු කිරීමට අවශ්‍ය බව ය. ඒ සඳහා සැකකරුවන්ගෙන් දීර්ඝ ලෙස ප්‍රශ්න කළ යුතු බව ඔවුන් අධිකරණයට පැවසීමෙන් පසු මෙම රඳවා තබා ගැනීමේ නියෝගය නිකුත් කළේ ය.