මත්ස්‍යයින් සමග කටුනායකදී ලාංකිකයෙක් කොටු

COLOMBO (News 1st) : ජීවි මත්ස්‍යයින් 1022 දෙදෙනෙකු අනවසරයෙන් දිවයිනට රැගෙන ආ ශ්‍රී ලාංකිකයෙකු කටුනායක ජාත්‍යන්තර ගුවන් තොටුපළේදී රේගු භාරයට ගෙන තිබේ. රේගු මාධ්‍ය ප්‍රකාශක සුනිල් ජයරත්න මහතා පැවසුවේ, ධීවර හා ජලජ සම්පත් දෙපාර්තමේන්තුවේ අවසරයකින් හා සත්ත්ව නිරෝධායන සහතිකයක් නොමැතිව එම මසුන් දිවයිනට රැගෙවිත් ඇති බවයි. අදාළ මත්ස්‍ය තොගයේ වටිනාකම රුපියල් 6 ලක්ෂයකට අධික වේ. මෙම මසුන් තොගය යළි සිංගප්පූරුවට යැවීමට පියවර ගෙන ඇතැයි, රේගු මාධ්‍ය ප්‍රකාශකවරයා සඳහන් කළේ ය.