සේනා පාලනයට දින 14ක්...

COLOMBO (News 1st) : පැතිර යන සේනා දළඹු ව්‍යාප්තිය පාලනය කිරීම සඳහා යළි දින 14 ක කාලයක් ප්‍රකාශයට පත්කර තිබේ. කෘෂිකර්ම දෙපාර්තමේන්තුවේ අධ්‍යක්ෂ ජනරාල් ආචාර්ය ඩබ්ලිව්. එම්. ඩබ්ලිව්. වීරකෝන් මහතා සඳහන් කළේ, ඒ අනුව ලබන 16 වන දා සිට 31 වන දා තෙක් එම කාල සීමාව නම් කර ඇති බවයි. ඒ සඳහා කෘෂිකර්ම දෙපාර්තමේන්තුව, කෘෂිකර්ම අමාත්‍යාංශය, මහවැලි අධීකාරිය ඇතුළු ආයතන මට්ටමින් විශේෂ වැඩසටහන් රැසක් ක්‍රියාත්මක බව ද, ඔහු පැවසී ය. මේ අතර බඩ ඉරිඟු වගාව ආශ්‍රීතව පැතිර යන සේනා දළඹු මර්දනය සඳහා පෙරමෝන් භාවිත කිරීමට කෘෂිකර්ම දෙපාර්තමේන්තුව තීරණය කර තිබේ.