තවත් අමාත්‍යවරුන් 3 දෙනෙක් ජනපති ඉදිරියේ දිවුරුම් දෙති

COLOMBO (News 1st) - නව අමාත්‍යවරුන් 3 දෙනෙක් ජනාධිපති මෛත්‍රීපාල සිරිසේන මහතා ඉදිරියේ මීට ටික වේලාවකට පෙර දිවුරුම් දුන්හ. ඒ අනුව රවීන්ද්‍ර සමරවීර මහතා දිවුරුම් දුන්නේ, කම්කරු හා වෘත්තීය සබඳතා කැබිනට් නොවන අමාත්‍යවරයා ලෙස ය. විශේෂ ප්‍රදේශ සංවර්ධන කැබිනට් නොවන අමාත්‍යවරයා ලෙස වී. රාධක්‍රිෂ්ණන් මහතා දිවුරුම් දුන්නේ ය. අබ්දුල්ලා මහරුෆ් මහතා දිවුරුම් දුන්නේ, වරාය හා නාවික කටයුතු නියෝජ්‍ය අමාත්‍යවරයා ලෙස ය. මේ අතර දයා ගමගේ මහතාට හිමිව තිබූ අමාත්‍ය ධූරයේ සංශෝධනයක් සිදුව තිබේ. ඒ අනුව ඔහුට හිමිව ඇති නව අමාත්‍ය ධූරය වන්නේ සමාජ සවිබල ගැන්වීම් අමාත්‍ය ධූරයයි.