ගාල්ලේ වෙළෙඳ සලක ගින්නක්

COLOMBO (News 1st) - ගාල්ල, පෙට්ටිගලවත්ත මාර්ගයේ පිහිටි ටයර් අලෙවි සලක ඊයේ රාත්‍රියේ ගින්නක් ඇති විය. ගින්න නිවීම සඳහා ගාල්ල දක්ෂිණ නාවික කඳවුරේ භටයින්, ගාල්ල පොලීසිය සහ ගාල්ල නගර සභාවේ ගිනි නිවීමේ ඒකකය කටයුතු කළේ ය. ගින්න ඇති වන අවස්ථාවේ වෙළෙඳ සලේ කිසිවෙකුත් සිට නොමැත. මේ අතර ගින්න නිවීමට කටයුතු කළ නිලධාරියෙක් අධික දුම හේතුවෙන් අදාළ ගොඩනැගිල්ලේ වහළෙන් වැටී තුවාල ලැබීම නිසා කරාපිටිය රෝහලට ඇතුළත් කර තිබේ. කෙසේ වෙතත් අද අලුයම 3.00ට පමණ ගින්න සම්පූර්ණයෙන් මැඩ පැවැත්වූ බව අප වාර්තාකරු සඳහන් කළේ ය. ගින්නට හේතුව මෙතෙක් අනාවරණය වී නොමැති අතර ගාල්ල පොලීසිය වැඩිදුර විමර්ශන සිදු කරයි.