මෙරට මුහුදට ඇතුළු වූ ධීවරයින් 4ක් අත්අඩංගුවට

COLOMBO (News 1st) : මෙරට මුහුදු තීරයේ නීතිවිරෝධී ලෙස ධීවර කටයුතුවල නිරත වූ ඉන්දීය ධීවරයින් සිව් දෙනෙකු නාවික හමුදාව විසින් අත්අඩංගුවට ගනු ලැබ තිබේ. නාවික හමුදාව සඳහන් කළේ, ඔවුන්ට අයත් ට්‍රෝලර් යාත්‍රාවක් ද උතුරු මුහුදේ ඩෙල්ෆ්ට් දූපතට ඔබ්බෙන් වූ මුහුදු ප්‍රදේශයේදී සිය භාරයට ගත් බවයි. අත්අඩංගුවට ගත් ඉන්දීය ධීවරයින් පිරිස ඉදිරි නීතිමය කටයුතු සඳහා යාපනය, සහකාර ධීවර අධ්‍යක්‍ෂක වෙත භාර දීමට කටයුතු කරන බව නාවික හමුදාව ප්‍රකාශ කළේ ය.