ලෝක බැංකු සභාපති ධුරයෙන් ඉවත් වෙයි

ලෝක බැංකු සභාපති ධුරයෙන් ඉවත් වෙයි

ලෝක බැංකු සභාපති ධුරයෙන් ඉවත් වෙයි

කර්තෘ Staff writer

08 Jan, 2019 | 9:44 am

COLOMBO (News 1st) : ලෝක බැංකුවේ සභාපති ජිම් යොන්ග් කිම් අනපේක්ෂිත අයුරින් සිය ධූරයෙන් ඉවත්වන බව නිවේදනය කළේ ය.

ඔහුගේ ඉල්ලා අස්වීම ලබන පෙබරවාරි පළමු වන දා සිට බලාත්මක වනු ඇති.

2017 වසරේ දෙවන වරටත් ලෝක බැංකුවේ සභාපති ධූරයට තේරී පත්වූ 59 හැවිරිදි ජිම් යොන්ග් කිම්ගේ ධූර කාලය අවසන් වීමට නියමිතව තිබුණේ, 2022 වසරේදීයි.

ඔහු ආයතනයකට සම්බන්ධ වී සංවර්ධනය වෙමින් පවතින රටවල යටිතල පහසුකම් ඉහළ නැංවීම සම්බන්ධයෙන් කටයුතු කිරීමට අපේක්ෂා කරන බව ලෝක බැංකුව ප්‍රකාශ කළේ ය.

ප්‍රකාශයක් නිකුත් කරමින් ජිම් යොන්ග් කිම් ප්‍රකාශ කළේ, ලෝක බැංකුවේ සභාපතිවරයා ලෙස කටයුතු කිරීමට ලැබීම මහත් ගෞරවයක් බවයි.

සිය ඉල්ලා අස්වීමට හේතුව ඔහු ඉදිරිපත්කර නොමැත.

ලෝක බැංකුවේ ප්‍රධාන විධායක නිලධාරිනී ක්‍රිස්ටලීනා ජෝර්ජීවා මින්පසු ලෝක බැංකුවේ අන්තර්වාර සභාපතිවරයා ලෙස කටයුතු කිරීමට නියමිතයි.

උණුසුම් පුවත්


අපගේ වෙබ් අඩවියේ හෝ වීඩියෝ නාලිකාවේ දැන්වීම් ප්‍රචාරය කිරීමට ඔබටත් අවශ්‍යයද ?
කරුණාකර අපව අමතන්න [email protected]