දියණිය මරා වළ දැමූ බවට මව සහ තවත් අයෙක් අත්අඩංගුවට

COLOMBO (News 1st) : හාලිඇල, කන්දෙගෙදර මහතැන්න ප්‍රදේශයේදී 9 හැවිරිදි දැරියක ඝාතනය කර වළ දමා ඇත බවට සැකපිට ඇගේ මව සහ තවත් පුද්ගලයෙකු අත්අඩංගුවට ගෙන තිබේ. පොලීසිය පැවසුවේ, පසුගිය වසරේ ජනවාරි 12 වන දා මෙම ඝාතනය සිදුව ඇති අතර ඊයේ පස්වරුවේ ලද පැමිණිල්ලකට අනුව ඔවුන් දෙදෙනා අත්අඩංගුවට ගත් බවයි. අත්අඩංගුවට ගත් 26 හැවිරිදි කාන්තාව සහ 31 හැවිරිදි සැකකරු අදාළ දැරිය සමග කන්දෙගෙදර ප්‍රදේශයේ නිවසක පදිංචිව සිට තිබේ. දැරියගේ සිරුර යළි ගොඩගැනීමට නියමිත අතර සැකකරුවන් අධිකරණයට ඉදිරිපත් කිරීමට නියමිතයි. https://www.youtube.com/watch?v=PX4DE9sPwPA