සුනිල් ශාන්තට හිරෙන් පනින්ට අනුබල දුන් සැකකරු රිමාන්ඩ්

COLOMBO (News 1st) : සුනිල් ශාන්ත නමැති මත්ද්‍රව්‍ය ජාවාරම්කරුට බන්ධනාගාරයෙන් පලායාමට ආධාර අනුබල දීම සම්බන්ධයෙන් අත්අඩංගුවට ගත් සැකකරු අනිද්දා (8) දක්වා රක්ෂිත බන්ධනාගාරගත කෙරිණ. ඒ ඔහු අද පෙරවරුවේ අලුත්කඩේ අංක -2 මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි. අපරාධ පරීක්ෂණ දෙපාර්තමේන්තු නිලධාරීන් කණ්ඩායමක් පසුගිය 05 වන දා ලුණුගම්වෙහෙර ප්‍රදේශයේදී ඔහු අත්අඩංගුවට ගනු ලැබී ය. සුනිල් ශාන්ත නමැත්තාට බන්ධනාගාරයෙන් පලායාමට ඔහු සහය වී තිබුණේ බන්ධනාගාර නියාමකවරයකුගේ වෙස් ගනිමිනි. මොහු වැඩ තහනමකට ලක් වූ හමුදා සෙබළෙකු බව ද පොලීසිය පැවසී ය.