සත්ත්ව ආහාර ලෙස ඉවත් කළ කිරි පිටි මිනිස් පරිභෝජනයට වෙළෙඳපොළට නිකුත් කිරීමේ ජාවාරමක්

COLOMBO (News 1st) - සත්ත්ව ආහාර ලෙස ඉවත් කළ කිරි පිටි තොග අලුතින් ඇසුරුම් කොට වෙළෙඳපොළට නිකුත් කිරීමේ ජාවාරමක තොරතුරු අනාවරණය කර ගැනීමට කොළඹ විශේෂ කාර්ය බලකා බුද්ධි අංශ නිලධාරීහු සමත් වූහ. ඒ, වේවැල්දෙණිය තැනිහෙල ප්‍රදේශයේ සිදු කළ වැටලීමකදී ය. එහිදී කිරි පිටි කිලෝග්‍රෑම් 14000ක් හා ඇසුරුම් කරන ලද කිරි පිටි ග්‍රෑම් 400 පැකට් 2250ක් ද කොළඹ විශේෂ කාර්ය බලකා බුද්ධි අංශ නිලධාරීන් සිය භාරයට ගෙන තිබේ. මෙම කිරි පිටි විශේෂය අයර්ලන්තයේ නිෂ්පාදිත කිරි පිටි වර්ගයක් ලෙස කාලයක් තිස්සේ වෙළෙඳපොළට ඉදිරිපත් කර ඇති බව අප වාර්තාකරු පැවසුවේ ය. සිද්ධිය සම්බන්ධයෙන් පුද්ගලයින් තිදෙනකු අත්ඩංගුවට ගෙන ඇප මත නිදහස් කර ඇති අතර එළැඹෙන ජනවාරි 07 වන දා තුල්හිරිය මහේස්ත්‍රාත් අධිකරණය හමුවේ පෙනී සිටින ලෙස ඔවුන්ට දන්වා තිබේ.