වසර 10කට පසු කොටස් වෙළෙඳපොළ දෛනික පිරිවැටුම වාර්තාගත ලෙස පහළට

COLOMBO (News 1st) - වසර 10කට පසු කොටස් වෙළෙඳපොළ දෛනික පිරිවැටුමේ අඩුම අගය අද වාර්තා විය. අද එය සටහන් වූයේ, රුපියල් මිලියන 68.8ක් ලෙසිනි. මීට පෙර අවසන් වරට අඩු අගයක් වාර්තා වූයේ, 2009 වසරේ අප්‍රේල් 28 වන දා ය. එදින කොටස් වෙළෙඳපොළ දෛනික පිරිවැටුම රුපියල් මිලියන 64.3කි. අද කොටස් වෙළෙඳපොළ ගනුදෙනු අවසානයේ ප්‍රධාන මිල දර්ශක අගයන්හි දක්නට ලැබු‍ණේ ඉහළ යාමකි. සමස්ත මිල දර්ශක අගය ඒකක 6067.66 ක් ලෙස සටහන් වූ අතර එය පෙර දිනයට සාපේක්ෂව ඒකක 9.18 ක ඉහළ යාමකි.