අපරාධයකට යොදා ගත් වෑන් රථයක් පාදුක්ක පොලිස් අත්අඩංගුවට

COLOMBO (News 1st) - පාදුක්ක, මාවතගම ප්‍රදේශයේදී අපරාධයකට යොදා ගත් බවට සැක කෙරෙන වෑන් රථයක් පොලීසිය භාරයට ගෙන තිබේ. පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සඳහන් කළේ, එය මහනුවර, කටුගස්තොට ප්‍රදේශයෙන් සොරා ගන්නා ලද වෑන් රථයක් බව ය. වෑන් රථයේ තිබී ලේ පැල්ලම් කිහිපයක් සහ ලේන්සුවක් සොයා ගත් බව රුවන් ගුණසේකර මහතා පැවසුවේ ය. සිද්ධිය සම්බන්ධයෙන් පාදුක්ක පොලීසිය පුළුල් විමර්ශනයක් ආරම්භ කර තිබේ.