බුන්දල - කිරින්ද මාර්ගයේ උරණිය ප්‍රදේශයේදී බස් රථයක් පෙරළීමෙන් 15කට තුවාල

COLOMBO (News 1st) - හම්බන්තොට, බුන්දල - කිරින්ද මාර්ගයේ උරණිය ප්‍රදේශයේදී සිදු වූ බස් රථ අනතුරකින් පුද්ගලයින් 15 දෙනෙකු තුවාල ලබා තිබේ. පොලීසිය සඳහන් කළේ, බස් රථය මාර්ගයෙන් ඉවතට පැන පෙරළීමෙන් මෙම අනතුර සිදු වී ඇති බව ය. අනතුරින් එක් පුද්ගලයෙකු බරපතළ තුවාල ලබා ඇති අතර තුවාලකරුවන් හම්බන්තොට රෝහලට ඇතුළත් කර තිබේ. අප වාර්තාකරු සඳහන් කළේ, කළුතර ප්‍රදේශයේ සිට කතරගම වන්දනාවේ පැමිණි පිරිසක් මෙම අනතුරට මුහුණපා ඇති බව ය.