හේනමුල්ල නිවාස සංකීර්ණය අසළ වෙඩි තැබීමකින් අයෙක් මරුට: 4 දෙනෙක් රෝහලේ

COLOMBO (News 1st) - ග්‍රෑන්ඩ්පාස්, හේනමුල්ල නිවාස සංකීර්ණය අසළ සිදු වූ වෙඩි තැබීමකින් පුද්ගලයෙකු මිය ගොස් තවත් 4 දෙනෙකු තුවාල ලබා තිබේ. පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා සඳහන් කළේ, සංවිධානාත්මක අපරාධ කල්ලි සමාජිකයෙකු වන බ්ලූමැන්ඩල් සංඛ නමැත්තාගේ මෙහෙය වීමෙන් මෙම වෙඩි තැබීම සිදු කර ඇති බව ය. තුවාල ලැබූවන් කොළඹ ජාතික රෝහලට ඇතුළත් කර තිබේ. එහි ජ්‍යෙෂ්ඨ නිලධාරියෙකු සඳහන් කළේ, ඉන් එක් අයෙකුගේ තත්ත්වය බරපතළ බව ය.