සබරගමුව, බස්නාහිර හා මධ්‍යම පළාත්වලට මහ වැසි

COLOMBO (News 1st) : ඉදිරි පැය 6 තුළ සබරගමුව, බස්නාහිර හා මධ්‍යම පළාත්වලත් ගාල්ල සහ මාතර දිස්ත්‍රික්කවලත් ප්‍රබල අකුණු සහ ගිඟුරුම් සහිත වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කළේ, එම ප්‍රදේශවල ඇතැම් ස්ථානවලට මිලිමීටර් 75 ට වැඩි තද වැසි ඇතිවිය හැකි බවයි. ගිඟුරුම් සහිත වැසි සමග පැයට කිලෝමිටර් 70-80- ත් පමණ කෙටි කාලීන තද සුළං ද ඇතිවිය හැකි බව කාලගුණ අනාවැකියේ සඳහන් ය.