ලොවට සාමයේ පණිවුඩය ගෙන ආ අසිරිමත් නත්තල අදයි

COLOMBO (News 1st) - ලෝකය ඒකාලෝක කරන විශ්වීය මංගල්‍යය හෙවත් නත්තල අද සැමරේ. ජේසුස් ක්‍රිස්තුස් වහන්සේගේ උත්පත්තිය සැමරෙන නත්තල, ලොවට ගෙන එන්නේ සාමයේ හා සහජීවනයේ අසිරිමත් පණිවුඩයයි. අදින් වසර 2015කට පෙර දිනෙක බෙත්ලෙහෙම් අහස් කුසේ දීප්තිමත් තාරකාවක් පායා තිබුණේ, ලොවට බිහි වන ගැලවුම්කරුවාණන් පිළිබඳ සුබ පෙරනිමිති පහළ කරමිනි. ලෝවැසියන් පාපයෙන් මුදා ගැනීමට උපන් ජේසුස් ක්‍රිස්තුස් වහන්සේ සියල්ලන් දුකින් මුදා ගැනීම සඳහා බාධා රැසක් මැද ඉටු කළේ අපරිමිත මෙහෙවරකි. තමන්ට විමුක්ති මග දෙසූ ඒ ශාස්තෘවරයාගේ උත්පත්තිය ලක්ෂ සංඛ්‍යාත කිතුණු බැතිමතුන් සමරන්නේ මහත් භක්තියෙනි.