හෙට මැදියම් රැයේ සිට බස් ගාස්තු අඩු වෙන්නේ මෙහෙමයි

COLOMBO (News 1st) : ලංගම හා පෞද්ගලික බස් ගාස්තු හෙට මධ්‍යම රාත්‍රියේ සිට 4% කින් අඩු කිරීමට නියමිතය. ප්‍රවාහන හා සිවිල් ගුවන් සේවා අමාත්‍යංශය සදහන් කළේ මේ අනුව සාමාන්‍ය ,අර්ධ සුඛෝපභෝගි , සුඛෝපභෝගී හා අධි සුඛෝපභෝගී බස් රථ ගාස්තු ද පහළ දමන බවයි. කෙසේ වෙතත් රුපියල් 12 ක් වන අවම බස් ගාස්තුවේ වෙනසක් වන්නේ සිදු නොවනු ඇති. නව බස් ගාස්තු සංශෝධනය අනුව රුපියල් 965 ක්ව පැවති වැඩිම සාමාන්‍ය බස් ගාස්තුව රුපියල් 924 දක්වා අඩු කර තිබේ. මේ අතර ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා සඳහන් කළේ, බස් ප්‍රමුඛතා මංතීරුව නීත්‍යනුකූලව ක්‍රියාත්මක කළ හොත් අවම බස් ගාස්තුව අඩු කළ හැකි බවයි.