ජනපති ලේකම් කාර්යාලයේ ලිපි ශිර්ෂ ව්‍යාජව සැකසූ පුද්ගලයෙක් අත්අඩංගුවට

COLOMBO (News 1st) : ජනාධිපති ලේකම් කාර්යාලයේ ලිපි ශිර්ෂ ව්‍යාජ ලෙස සකස් කර භාවිත කළ පුද්ගලයෙකු මහියංගණය පොලීසිය විසින් අත්අඩංගුවට ගනු ලැබ තිබේ. පොලීසිය පැවසුවේ, අදාළ සැකකරු ගුරුවරයෙකු ලෙස පෙනී සිටිමින් ශිෂ්‍යත්ව ලබා දෙන බවට එම ලිපි ශිර්ෂ යටතේ දැනුවත් කිරීම් කර ඇති බවයි. අදාළ පුද්ගලයා සම්බන්ධයෙන් ලද පැමිණිල්ලක් මත ඔහු අත්අඩංගුවට ගෙන තිබේ. සැකකරු 35 හැවිරිදි කුරුණෑගල ප්‍රදේශයේ පදිංචිකරුවකු වන බව පොලිස් මාධ්‍ය ඒකකය සඳහන් කළේ ය.