එජාප රැළිය හේතුවෙන් කොළඹ මාර්ගවල රථවාහන තදබදයක්

COLOMBO (News 1st): එක්සත් ජාතික පෙරමුණ සංවිධානය කරන යුක්තියේ විජයග්‍රහණය වෙනුවෙන් පවත්වනු ලබන ජන රැළියට සහභාගී වීම සඳහා එක්සත් ජාතික පක්ෂ පාක්ෂිකයන් ඇතුළු පිරිස් මේ වන විට ගාලු මුවදොර පිටියට පැමිණෙමින් සිටින බව අප වාර්තාකරුවෝ පවසති. අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් ජන රැළිය පැවැත්වීමට මේ වන විට සියලු කටයුතු සුදානම් කර ඇති බව ද අප වාර්තාකරුවෝ සඳහන් කළහ. ජන රැළිය හේතුවෙන් මේ වන විට කොළඹ කොටුව ආශ්‍රිත මාර්ගවල දැඩි රථ වාහන තදබදයක් හටගෙන ඇතැයි පොලීසිය පවසයි. පොලීසිය සඳහන් කළේ කොල්ලුපිටිය, කොම්පඤ්ඤවීදිය සහ ගාලුමුවදොරට පිවිසෙන මාර්ගවල ද දැඩි රථවාහන තදබදයක් හටගෙන ඇති බවයි.