by Staff writer 14-12-2018 | 11:03 AM
COLOMBO (News 1st) - උත්සව සමය වෙනුවෙන් ක්රියාත්මක වැටලීම්වලදී දින 3ක් තුළ බීමත් රියැදුරන් 150 දෙනෙකුට එරෙහිව නඩු ගොනු කළ බව පොලීසිය පවසයි.
රථ වාහන හා මාර්ග ආරක්ෂාව පිළිබඳ අධ්යක්ෂ පොලිස් අධිකාරී ඉන්දික හපුගොඩ මහතා සඳහන් කළේ, කොළඹ ආශ්රිතව කළ මෙහෙයුම්වලින් මෙම පිරිස අත්අඩංගුවට ගත් බව ය.
පසුගිය වසරට සාපේක්ෂව මේ වසරේ බීමත් රියැදුරන් අත්අඩංගුවට ගැනීම ඉහළ ගොස් ඇතැයි ද ඔහු ප්රකාශ කළේ ය.
මේ අතර උත්සව සමය වෙනුවෙන් රථ වාහන රාජකාරීවල නිරත පොලිස් නිලධාරීන්ගේ නිවාඩු සීමා කිරීමට සිදු වන බව රථ වාහන හා මාර්ග ආරක්ෂාව පිළිබඳ අධ්යක්ෂ පොලිස් අධිකාරී ඉන්දික හපුගොඩ මහතා පවසයි.
ඔහු පැවසුවේ, මහජනතාවගේ ආරක්ෂාව සහ රථ වාහන තදබදය අවම කිරීමේ අරමුණින් එම පියවර ගන්නා බව ය.