අමෙරිකානු සෙනෙට් මණ්ඩලය, සෞදියට එරෙහිව යෝජනා 2ක් සම්මත කර ගනී

(News 1st) - අමෙරිකානු සෙනෙට් මණ්ඩලය, සෞදි අරාබියට එරෙහිව යෝජනා 2ක් සම්මත කර ගෙන තිබේ. ඉන් එක් යෝජනාවක් වන්නේ, යේමන යුද්ධය සඳහා සෞදියට ලබා දෙන ආධාර නතර කිරීමයි. එම යෝජනාව සම්මත වී තිබුණේ වැඩි ඡන්ද 16කිනි. මාධ්‍යවේදී ජමාල් ඛෂෝගි ඝාතනය සම්බන්ධ වගකීම, සෞදියේ ඔටුන්න හිමි මොහොමඩ් බීන් සල්මාන් කුමරුට පැවරීම, අනෙක් යෝජනාව වේ. එම යෝජනාව අමෙරිකානු සෙනෙට් මණ්ඩලය ඒකමතිකව සම්මත කර ගෙන තිබිණි. සම්මත වූ යෝජනා නීතිගත කිරීමට නම් ඊට නියෝජිත මන්ත්‍රී මණ්ඩලයේ අනුමැතිය හිමි විය යුතු ය.