ශ්‍රී ලංකා ටෙස්ට් කණ්ඩායම දිවයිනෙන් පිටත්ව යයි

ශ්‍රී ලංකා ටෙස්ට් කණ්ඩායම දිවයිනෙන් පිටත්ව යයි

ශ්‍රී ලංකා ටෙස්ට් කණ්ඩායම දිවයිනෙන් පිටත්ව යයි

කර්තෘ Staff writer

04 Dec, 2018 | 7:51 am

COLOMBO (News 1st) : නවසීලන්තය සමග පැවැත්වෙන ටෙස්ට් ක්‍රිකට් තරගාවලිය සඳහා සහභාගී වන ශ්‍රී ලංකා කණ්ඩායම අද අලුයම දිවයිනෙන් පිටත් විය.

ශ්‍රී ලංකා කණ්ඩායම හා නවසීලන්ත කණ්ඩායම අතර ක්‍රිකට් තරගාවලිය එළැඹෙන 15 වනදා ආරම්භ වේ.

ඊට ටෙස්ට් තරග 2 ක්, එක්දින තරග 3 ක් හා පන්දුවාර 20යි 20 තරගයක් ඇතුළත් ය.

දෙරට අතර ටෙස්ට් ක්‍රිකට් තරගාවලියට ක්‍රීඩා කරන දිනේෂ් චන්දිමාල්ගේ නායකත්වයෙන් සමන්විත 17 දෙනෙකුගෙන් යුත් ශ්‍රී ලංකා කණ්ඩායම අද අලුයම දිවයිනෙන් පිටත් විය.

ශ්‍රී ලංකා ටෙස්ට් සංචිතයේ උප නායකත්වය මෙවර හිමිව ඇත්තේ ආරම්භක පිතිකරු දිමුත් කරුණාරත්නටයි.

නවසීලන්තය සමග පැවැත්වෙන ටෙස්ට් ක්‍රිකට් තරගාවලියට එංගලන්තය සමඟ පැවති ටෙස්ට් තරගාවලිය ක්‍රීඩා නොකළ ලහිරු කුමාර, ලහිරු තිරිමාන්න, සධීර සමරවික්‍රම සහ නුවන් ප්‍රදීප් යන ක්‍රීඩකයින් ඇතුළත් කර තිබීම විශේෂත්වයකි.

ළහිරු තිරිමාන්න හා නුවන් ප්‍රදීප් මේ වසර තුළ ශ්‍රී ලංකාව වෙනුවෙන් කිසිදු ටෙස්ට් ක්‍රිකට් තරගයකට සහභාගි වී නොමැත.

වේග පන්දු යවන ක්‍රීඩක ලහිරු කුමාරට එල්ල වූ විනය පිළිබඳ ගැටලුව හේතු කොට ගෙන එංගලන්තය සමග පැවති ටෙස්ට් තරගමාලාව අහිමි වූ අතර ලහිරු තිරිමාන්න සහ සධීර සමරවික්‍රම අවසන් වරට ටෙස්ට් තරගයක් ක්‍රීඩා කළේ පසුගිය වසරේ ඉන්දියාව සමග පැවති ටෙස්ට් තරගාවලියේදීයි.

ඔවුන් දෙදෙනාටම එංගලන්තය සමඟ පැවති ටෙස්ට් තරගමාලාව ක්‍රීඩා කිරීමට නොහැකි වූ අතර එංගලන්තය සමග පැවති එක්දින තරගවල ක්‍රීඩා කිරීමට සධීර හට අවස්ථාව හිමි විය.

ආබාධවලට ලක්වීම හේතුවෙන් ටෙස්ට් සංචිතයෙන් ඉවත්ව සිටි නුවන් ප්‍රදීප් නැවත ක්‍රීඩා කළ හැකි මට්ටමට සුවය ලබා තිබීම හේතුවෙන් නැවත සංචිතයට කැඳවා තිබේ.

දිමුත් කරුණාරත්න, දනුෂ්ක ගුණතිලක, ධනංජය ද සිල්වා, කුසල් මෙන්ඩිස්, ඇන්ජලෝ මැතිව්ස්, රොෂේන් සිල්වා, නිරෝෂන් දික්වැල්ල, දිල්රුවන් පෙරේරා, ලක්ෂාන් සඳකැන්, සුරංග ලක්මාල්, කසුන් රාජිත, දුෂ්මන්ත චමීර, මෙවර නවසීලන්තයත් සමග ක්‍රීඩා කරන 17 දෙනෙකුගෙන් සමන්විත ටෙස්ට් සංචිතයට ඇතුළත් වෙති.

පන්දු යැව්මේ ඉරියව්ව සැක සහිත බවට චෝදනි එල්ල වූ අකිල ධනංජය මෙම සංචිතයට ඇතුළත් කර නොමැත.

නවසීලන්ත ටෙස්ට් සංචාරය සඳහා ලංකා ක්‍රිකට් කණ්ඩායම දිවයිනෙන් පිටත්ව යයි

නවසීලන්ත ටෙස්ට් සංචාරය සඳහා ලංකා ක්‍රිකට් කණ්ඩායම දිවයිනෙන් පිටත්ව යයි

Posted by Newsfirst.lk on Monday, 3 December 2018