නිරිත දිග බෙංගාල බොක්කේ පවතින අඩු පීඩන තත්ත්වය හේතුවෙන් උතුරු පළාතට තද වැසි

COLOMBO (News 1st) - නිරිත දිග බෙංගාල බොක්කේ පවතින අඩු පීඩන කලාපය හේතුවෙන් උතුරු පළාතට අද දිනයේ මිලිමීටර් 100ක තද වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි. එහි කාර්යයේ නියුතු කාලගුණ විද්‍යාඥ කසුන් පැස්කුවෙල් මහතා සඳහන් කළේ, මෙම පද්ධතියේ බලපෑමෙන් දිවයිනේ වැසි තත්ත්වයේ වැඩි වීමක් අපේක්ෂා කරන බව ය. පවතින අයහපත් කාලගුණ තත්ත්වය හේතුවෙන් මුලතිව් සිට කන්කසන්තුරේ හරහා මන්නාරම දක්වා මුහුදු ප්‍රදේශවල ධීවර කටයුතු කිරීමෙන් වළකින ලෙස කාලගුණ විද්‍යා දෙපාර්තමේන්තුව ධීවරයින්ට දැනුම් දෙයි.