ජනපති ප්‍රධානත්වයෙන් සර්ව ක්ෂික හමුව ඇරඹෙයි

COLOMBO (News 1st) : ජනපති මෛත්‍රීපාල සිරිසේන මහතාගේ ප්‍රධානත්වයෙන් සර්ව පාක්ෂික හමුව ආරම්භ වී තිබේ. අප වාර්තාකරු පැවසුවේ, මහින්ද රාජපක්ෂ සහ එක්සත් ජාතික පක්ෂ නායක රනිල් වික්‍රමසිංහ මහතා ද හමුව සඳහා ජනාධිපති කාර්යාලයට පැමිණ සිටින බවයි. කෙසේ වෙතත් ජනාධිපතිවරයාගේ ප්‍රධානත්වයෙන් පැවැත්වෙන මෙම හමුවට සහභාගී නොවන බව කථානායක කරූ ජයසුරිය සහ ජනතා විමුක්ති පෙරමුණ අද දහවල් නිවේදනය කළේ ය. ජනාධිපතිතුමා මෙම හමුව කැදවා ඇත්තේ පාර්ලිමේන්තුව තුළ පසුගිය දිනවල ඇතිවු දේශපාලන නොසන්සුන්තාව සහ ගැටුම්කාරී තත්ත්වය අවසන් කර, පාර්ලිමේන්තුවේ කටයුතු යහපත්ව පවත්වාගෙන යාමට සියලු දේශපාලන පක්ෂ අතර, එකඟතාවක් ඇති කර ගැනීමේ අරමුණිනි.