තෙල් සංස්ථාවේ වෙඩි තැබීමෙන් පුද්ගලයෙක් මරුට

තෙල් සංස්ථාවේ වෙඩි තැබීමෙන් පුද්ගලයෙක් මරුට

තෙල් සංස්ථාවේ වෙඩි තැබීමෙන් පුද්ගලයෙක් මරුට

කර්තෘ Sagarika Chathumali

28 Oct, 2018 | 4:30 pm

COLOMBO (News 1st) : ඛනිජ තෙල් නීතිගත සංස්ථාවේ දෙමටගොඩ මූලස්ථාන පරිශ්‍රයේ සිදුවු වෙඩි තැබීමෙන් තුවාල ලබා ජාතික රෝහලට ඇතුළත් කළ තිදෙනාගෙන් එක් අයෙකු මියගොස් තිබේ.

ජාතික රෝහලේ නියෝජ්‍ය අධ්‍යක්ෂ වෛද්‍ය සමින්දි සමරකෝන් මහත්මිය සඳහන් කළේ, අසාධ්‍ය තත්ත්වයේ පසුවූ ඔහු දැඩි සත්කාර ඒකකයේ ප්‍රතිකාර ලබමින් සිටියදී ජීවිතක්ෂයට පත් වූ බවයි.

අද පස්වරුවේ අර්ජුණ රණතුංග මන්ත්‍රීවරයා ඛණිජ තෙල් නීතිගත සංස්ථාවේ මූලස්ථාන පරිශ්‍රයට පැමිණි අවස්ථාවේදී තවත් පිරිසක් එම ස්ථානයට පැමිණිමත් සමග කළහාකාරී තත්ත්වයක් හටගත් බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා සඳහන් කළේ ය.

එහිදී මන්ත්‍රීවරයාගේ ආරක්ෂක නිලධාරියෙකු සිදුකළ වෙඩි තැබීමකින් පුද්ගලයින් තිදෙනෙකු තුවාල ලබා ජාතික රෝහලට ඇතුළත් කෙරිණ.

පොලීසිය සඳහන් කළේ, වෙඩි තැබීම සිදුකළ ආරක්ෂක නිලධාරියා ද අත්අඩංගුවට ගත් බවයි.