COLOMBO (News 1st) – අධික වර්ෂාවත් සමග වාරිමාර්ග දෙපාර්තමේන්තුවට අයත් ජලාශ 12 ක වාන් දොරටු විවෘත කර තිබේ.

වාරිමාර්ග දෙපාර්තමේන්තුවේ ජල කළමනාකරණ අංශය සඳහන් කළේ, නාච්චාදූව, රාජාංගනය, මව්ආර, තිසාවැව හා වෙහෙරගල ජලාශවල වාන් දොරටු මේ වනවිට විවෘත කර ඇති බවයි.

මීට අමතරව දැදුරු ඔය, නාලන්ද, තම්බෝව, මැඩියාව, මාගල්ල දම්බරාව හා අඹේවෙල යන ජලාශවල වාන් දොරටු ද මේ වනවිට විවෘත කර ඇති බව එම දෙපාර්තමේන්තුව පැවසුවේ ය.

මේ අතර මහවැලි අධිකාරිය සඳහන් කළේ, පෙරේදා විවෘත වූ වික්ටෝරියා ජලාශයේ ස්වයංක්‍රිය වාන් දොරටු දෙක මේ වනවිට වැසී ඇති බවයි.

කෙසේ වෙතත් ජලාශය උපරිම ධාරිතාවට ආසන්න වී ඇති බව ද මහවැලි අධිකාරිය ප්‍රකාශ කළේ ය.

ඉහළ කොත්මලේ ජලාශයේ වාන් දොරටු තුනක් ද අද පස්වරුවේ විවෘත කෙරුණි.

මහවැලි අධිකාරිය පැවසුවේ, රන්දෙනිගල, රන්ටැඹේ හා උඩවලව ජලාශ ද උපරිම ධාරිතාවට ආසන්න වී ඇති බවයි.

මේ අතර නාය යෑමේ අනතුරු ඇඟවීම් පිළිබඳ දිස්ත්‍රික්ක 4 කට නිකුත් කළ කහ නිවේදනය, හෙට පස්වරු 4.00 දක්වා දීර්ඝ කර තිබේ.

ජාතික ගොඩනැගිලි පර්යේෂණ සංවිධානයේ නාය යෑම් අධ්‍යයන හා අවදානම් කළමනාකරණ ඒකකයේ වැඩබලන අධ්‍යක්ෂ ආචාර්ය ගාමිණි ජයතිස්ස මහතා සඳහන් කළේ, මාතලේ, නුවරඑළිය, බදුල්ල හා රත්නපුර දිස්ත්‍රික්කවලට එම අනතුරු ඇඟවීමේ නිවේදනය නිකුත් කර ඇති බවයි.

මේ අතර මධ්‍යම, සබරගමුව, ඌව හා නැගෙනහිර පළාත්වලටත් ගාල්ල හා මාතර දිස්ත්‍රික්කවලටත් අද රාත්‍රියේත් මිලිමීටර් 100 ක තද වැසි ඇතිවිය හැකි බව කාලගුණ විද්‍යා දෙපාර්තමේන්තුව පැවසුවේ ය.

නිවේදනයක් නිකුත් කරමින් එම දෙපාර්තමේන්තුව සඳහන් කළේ, පවතින තද වැසි තත්ත්වය ඉදිරි දිනවලත් අපේක්ෂා කරන බවයි.

• නිපුණතා සහිත ශ්‍රමික වීසා කප්පාදුවෙන් ඉන්දු – අමෙරිකා වෙළෙඳ අර්බුදය තව ත් උග්‍ර වන ලකුණු
• ලෝක කුසලාන සිහිනය දකුණු අප්‍රිකාවෙන් ගිලිහෙයි
• හලාවත ධීවරයින් දැඩි ගැටලුවක…
• කෘෂිකර්ම අමාත්‍යංශ ගොඩනැගිල්ල සම්බන්ධයෙන් ජනපති කොමිසම අද සාක්ෂි කැඳවයි
• දුම්රිය වෘත්තිය සමිති සහ මුදල් ඇමති අතර තීරණාත්මක සාකච්ඡාවක්
• ඌණ උපයෝජිත වත්කම් පනත අහෝසි කිරීමේ යෝජනාව අද විවාදයට
• ගෙවුණු දවස උණුසුම් කළ පුවත්…
• බොරැල්ල හා තලවතුගොඩ නිවාස ව්‍යාපෘති දෙකේ ඉදිකිරීම් ඇනහිටී
• ඛෂෝගි ඝාතනයේ වගකීම සෞදියට
• චිත්‍රපට බෙදාහැරීමේ කටයුතු යළිත් ජාතික චිත්‍රපට සංස්ථාවට