by Staff writer 16-10-2018 | 6:22 AM
COLOMBO (News 1st) - මෙරට රජයේ ආයතන සියල්ලෙහිම පාහේ මූල්ය අවභාවිතයන් සිදු ව ඇති බවට අනාවරණ වී ඇතැයි විගණකාධිපති දෙපාර්තමේන්තුව පවසයි.
විගණකාධිපති ගාමිණි විජේසිංහ මහතා සඳහන් කළේ, 2017 වර්ෂයට අදාළව සිදුකළ විගණනය කිරීම්වලදී ඒ බව අනාවරණ වී ඇති බවය.
සම්පුර්ණ කරන ලද එම විගණන වාර්තා පාර්ලිමේන්තුව වෙත යොමු කිරීමට කටයුතු කරන බව ද ඔහු සඳහන් කළේ ය.
විගණකාධිපති ගාමිණි විජේසිංහ මහතා පැවසුවේ, සිදු ව ඇති අවභාවිතයන් පිළිබඳ සවිස්තර වාර්තාවක් කඩිනමින් සකස් කිරීමට ද පියවර ගන්නා බවයි.