වල්ලපට්ටා තොගයක් සමග ලාංකිකයෙකු ගුවන්තොටුපොළේදී අත්අඩංගුවට

COLOMBO (News 1st) - කටුනායක ජාත්‍යන්තර ගුවන්තොටුපොළේදී වල්ලපට්ටා කිලෝග්‍රෑම් 23ක් සමග ශ්‍රී ලාංකිකයෙකු අත්අඩංගුවට ගෙන තිබේ. නියෝජ්‍ය රේගු අධ්‍යක්ෂ විපුල මිනුවන්පිටිය මහතා සඳහන් කළේ, ඔහු බහරේන් හරහා ඩුබායි රාජ්‍ය බලා පිටත්ව යාමට සිටියදී අත්අඩංගුවට ගත් බව ය. සැකකරු ගමන් මලු 3ක සහ අත්බෑගයේ සඟවා මෙම වල්ලපට්ටා තොගය මෙරටින් රැගෙන යාමට උත්සහා දරා තිබිණි. ඒවායේ වටිනාකම රුපියල් ලක්ෂ 23කි.