අමෙරිකානු ඩොලරය හමුවේ රුපියල තවදුරටත් බාල්දු වෙයි

COLOMBO (News 1st) - අමෙරිකානු ඩොලරයට සාපේක්ෂව රුපියලේ අගය අද දින වාර්තාගත අයුරින් අවප්‍රමාණය වී තිබේ. අද කටුනායක ජාත්‍යන්තර ගුවන්තොටුපොළේ බැංකුවල අමෙරිකානු ඩොලරයේ විකුණුම් මිල සටහන් වූයේ, රුපියල් 173.20ක් ලෙස ය. අමෙරිකානු ඩොලරයට සාපේක්ෂව මෙරට රුපියලේ අගය දිනෙන් දින වාර්තාගත අයුරින් අවප්‍රමාණය වූ අතර ගෙවුණු දින කිහිපය තුළ එය තවදුරටත් අවප්‍රමාණය වනු දක්නට ලැබිණි. මේ අතර මෙරට වාණිජ බැංකුවල ද අද දිනයේ අමෙරිකානු ඩොලරයක විකුණුම් මිල සටහන් වූයේ, රුපියල් 173.20 ක් ලෙස ය.