COLOMBO (News 1st) – ජනප‍්‍රිය ගායන හා රංගන ශිල්පියෙකු වන අභාවප්‍රාප්ත රොනී ලීච් මහතාගේ දේහය ඔස්ට්‍රේලියාවේ පර්ත් නුවර සිට දිවයිනට රැගෙනවිත් තිබේ.

පවුලේ ඥාතියෙකු පැවසුවේ, දේහය මහජන ගෞරවය සඳහා අද පස්වරු 6.00 සිට හෙට පස්වරු 2.00 දක්වා බොරැල්ල පෞද්ගලික මල් ශාලාවක තැන්පත් කර තැබෙන බව ය.

ඉන් අනතුරුව දේහය ගල්කිස්ස ක‍්‍රිස්තුදේව දෙව් මැදුරේ තැන්පත් කර තැබෙන අතර අවසන් කටයුතු ගල්කිස්ස සුසාන භූමියේදී හෙට පස්වරු 3.00ට සිදු කිරීමට නියමිතව තිබේ.

මිය යන විට 65 වන වියේ පසු වූ රොනී ලීච් මහතා දරුවන් දෙදෙනෙකුගේ පියෙකි.

සංගීත ප‍්‍රසංගයකට සහභාගී වීමට ඔස්ට්‍රේලියාවේ පර්ත් නගරයට ගොස් සිටි රොනී ලීච් මහතා ප‍්‍රසංගය නිම කර යළි දිවයිනට පැමිණීමට නියමිතව සිටියදී හෘදයාබාධයක් හේතුවෙන් පසුගියදා මිය ගියේ ය.

1973 වසරේදී ගායන ක්ෂේත‍්‍රයට පිවිසි රොනී ලීච් මහතා 1981 වසරේදි සුපර් ගෝල්ඩන් චයිම්ස් සංගීත කණ්ඩායමට ගායකයෙකු ලෙස එක්විණි.

ඔහු ගායනා කළ ගීත අතර තට්ටයා හා කවුද බොලේ ඇලිස් යන ගීත ද ඔහු රඟ පෑ චිත‍්‍රපට අතර ඈතින් ඈතට, යළි හමුවෙන්නයි , චෙරියෝ ඩාලිං, ජොලි බෝයිස්, මගෝ ඩිගෝ ඩයි යන චිත‍්‍රපට ද ප්‍රේක්ෂකයින් අතර වඩාත් ජනප්‍රියත්වයක් හිමි කර ගත්තේ ය.

• කුණු කන්ටේනර් ගැන බ්‍රිතාන්‍ය පරිසර, ආහාර සහ ග්‍රාමීය කටයුතු පිළිබඳ දෙපාර්තමේන්තුවෙන් විමර්ශනයක්
• ශ්‍රී ලංකා කාන්තා පාපන්දු කණ්ඩායමට ජාත්‍යන්තර ජයක්
• චීනය සහ රුසියාව ප්‍රථම වරට ඒකාබද්ධ ගුවන් මුර සංචාරයක
• පානදුර උතුර පොලිස් ස්ථානයේ ගිනි අවි 2ක් අතුරුදන් වීම: විමර්ශන CID යට
• හිටපු ආරක්ෂක ලේකම් ගෝඨාභය රාජපක්ෂ යළි දිවයිනට
• වර්ෂාවත් සමග ජලාශවල ජල මට්ටම 33% ක් දක්වා ඉහළට
• බොරිස් ජොන්සන් බ්‍රිතාන්‍යය කොන්සර්වේටිව් පක්ෂ නායකත්වයට
• අමාත්‍යාංශ ගොඩනැගිල්ලට මි. 21 කුලියක්
• ත්‍රස්ත කණ්ඩායම ගැන තොරතුරු දුන් පුද්ගලයාට ලක්ෂ 50ක මුදල් ත්‍යාගයක්
• වෛද්‍ය වෘත්තියට අවසර දීමට අදාළව වෛද්‍ය සභාවට ශ්‍රේෂ්ඨාධිකරණ නියෝගයක්